முதல் திருமணத்தை மறைத்துவிட்டதாக நடிகை சாரு அசோபாவை குறை சொல்லியிருக்கிறார் நடிகர் ராஜீவ் சென். இதற்கிடையே விவாகரத்து கோரி நோட்டீஸ் அனுப்பியிருக்கிறார் சாரு அசோபா.
பிரபல பாலிவுட் நடிகை சுஷ்மிதா சென்னின் சகோதரர் ராஜீவ் சென்னும், அவரின் காதல் மனைவியான டிவி நடிகை சாரு அசோபாவும் பிரிந்துவிட்டனர். இதையடுத்து முறைப்படி விவாகரத்து பெறலாம் என்று கூறி ராஜீவுக்கு நோட்டீஸ் அனுப்பியுள்ளார் சாரு.
இந்நிலையில் இது குறித்து சாரு கூறியதாவது,
ஜூன் 7ம் தேதி நான் நோட்டீஸ் அனுப்பினேன். பதிலுக்கு அவர் என்னை பற்றி குறை சொல்லி நோட்டீஸ் அனுப்பியிருக்கிறார். எங்கள் திருமணத்தில் இருக்கும் பிரச்சனைகள் பற்றி நான் பேச விரும்பவில்லை. ஆனால் ராஜீவ் என்னை பற்றி வதந்தி பரப்புவதால் பேச வேண்டிய காட்டாயத்தில் இருக்கிறேன்.
கல்யாணமான நாளில் இருந்தே எங்களுக்கு இடையே பிரச்சனை இருப்பது அனைவருக்கும் தெரியும். இருப்பினும் நான் அவருக்கு வாய்ப்புகள் கொடுத்து வந்தேன். முதலில் எனக்காக, பின்னர் மகள் ஜியானாவுக்காக.
அவருக்கு யாரையும் நம்ப முடியாது. இனியும் என்னால் பொறுமையாக இருக்க முடியாது. சமாதானமாக பிரிந்து விடலாம் என்று ஒரு சாதாரண நோட்டீஸ் அனுப்பினேன்.
என் முதல் திருமணம் பற்றி தெரியாது என்கிறார் ராஜீவ். அவருக்கு நன்றாகத் தெரியும். எனக்கு 18 வயதில் முதல் திருமணம் நடந்தது. 2007ம் ஆண்டு திருமணம் நடந்தது. பின்னர் 2016ம் ஆண்டு நவம்பர் மாதம் கணவரை பிரிந்தேன்.
அதன் பிறகு நான் மும்பையில் தனியாக வசிப்பதை ராஜீவ் பாராட்டினார் என்றார்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
