நுரையீரல் பாதிப்பால் அவதிப்பட்டு வந்த நடிகை மீனாவின் கணவர் வித்யாசாகர் இறந்த செய்தி அறிந்த அனைவரும் அதிர்ச்சியில் இருக்கிறார்கள்.
நடிகை மீனாவுக்கும், பெங்களூரை சேர்ந்த வித்யாசாகருக்கும் கடந்த 2009ம் ஆண்டு ஜூலை மாதம் 12ம் தேதி திருமணம் நடந்தது.
அதன் பிறகு சென்னையில் இருக்கும் மேயர் ராமநாதன் செட்டியார் ஹாலில் அவர்களின் திருமண வரவேற்பு நிகழ்ச்சி நடந்தது. அதில் ரஜினி, கமல் என்று திரையுலகை சேர்ந்த பலர் கலந்து கொண்டு மணமக்களை வாழ்த்தினார்கள்.
மீனா, வித்யாசாகர் தம்பதிக்கு நைனிகா என்கிற மகள் இருக்கிறார். 5 வயதில் நடிக்க வந்தார் நைனிகா. அட்லி இயக்கிய தெறி படத்தில் விஜய்யின் மகளாக நடித்தார்.
வித்யாசாகர் ஒரு சாப்ட்வேர் என்ஜினியர். ஐடி நிறுவனத்தில் வேலை செய்து வந்தார். நுரையீரல் பிரச்சனையால் அவதிப்பட்டு வந்தார் வித்யாசாகர்.
அவருக்கு நுரையீரல் மாற்று அறுவை சிகிச்சை செய்ய முடிவு செய்தார்கள். ஆனால் நுரையீரல் தானம் கிடைக்க தாமதமானது.
இதற்கிடையே கொரோனா வைரஸ் பாதிப்பில் இருந்து மீண்டு வந்த சாகருக்கு நுரையீரல் பிரச்சனை தீவிரமானது.
இதையடுத்து மருத்துவமனையில் அனுமதிக்கப்பட்ட அவர் சிகிச்சை பலனின்றி ஜூன் 28ம் தேதி இரவு 7 மணிக்கு உயிரிழந்தார்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
