தனுஷ் நடிப்பில் வெளியான ஜகமே தந்திரம் படத்தில் முக்கிய கதாபாத்திரத்தில் நடித்த நடிகரின் கார் அடித்து நொறுக்கப்பட்டுள்ளது.
தனுஷ் நடிப்பில் கார்த்திக் சுப்பராஜ் இயக்கத்தில் வெளியான படம் ’ஜகமே தந்திரம்’. இப்படத்தில் சிவதாஸ் என்ற முக்கிய கதாபாத்திரத்தில் நடிகர் ஜோஜூ ஜார்ஜ் நடித்து இருந்தார். மேலும் இவர் ஏராளமான மலையாள படங்களிலும் நடித்துள்ளார்.
இந்நிலையில் சிவதாஸ் நேற்று காங்கிரஸ் கட்சியினர் பெட்ரோல், டீசல் விலை உயர்வை கண்டித்து சாலை மறியல் போராட்டம் நடத்தி வரும் நேரத்தில் சென்றிருக்கிறார். அப்போது இவரது கார் தடுத்து நிறுத்தப்பட்டிருக்கிறது. தான் அவசரமாக மருத்துவமனை செல்ல வேண்டும் என்று கூறியதாக தெரிகிறது. மேலும் போராட்டத்தை கைவிடுங்கள் என்றும் கூறியிருக்கிறார்.
இதனால் ஆத்திரமடைந்த காங்கிரஸ் கட்சியினர் அவரது காரை அடித்து நொறுக்கி இருக்கிறார்கள். இது குறித்து காவல்துறையினர் விசாரணை நடத்தி வருகிறார்கள்.- source: maalaimalar * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
