நடிகர் கமல்ஹாசன் தொகுத்து வழங்கும் பிக்பாஸ் நிகழ்ச்சியின் 5-வது சீசன் இன்று கோலாகலமாக தொடங்கி உள்ளது.
‘பிக்பாஸ்’ நிகழ்ச்சி மற்ற மொழிகளை போலவே தமிழிலும் மிகவும் பிரபலம். இதுவரை ஒளிபரப்பான 4 சீசன்களும் ரசிகர்களை கவர்ந்தது என்றே சொல்லலாம். இதுவரை தமிழில் நான்கு சீசன்கள் முடிந்துள்ளன. முதல் சீசனில் ஆரவ், இரண்டாவது சீசனில் ரித்விகா, மூன்றாவது சீசனில் முகின், நான்காவது சீசனில் ஆரி ஆகியோர் பிக்பாஸ் டைட்டிலை பெற்றனர்.
பிக்பாஸ் நிகழ்ச்சியின் 5-வது சீசன் இன்று தொடங்கி உள்ளது. வழக்கம் போல் இந்த சீசனையும் கமல்ஹாசன் தான் தொகுத்து வழங்குகிறார். இந்நிலையில், ‘பிக்பாஸ் 5’ நிகழ்ச்சியில் கலந்துகொள்ளும் போட்டியாளர்களின் விவரம் வெளியாகி உள்ளது.
- மதுமிதா (ஆடை வடிவமைப்பாளர்)
- இசைவாணி (கானா பாடகி)
- அபிஷேக் (விமர்சகர்)
- ராஜு ஜெயமோகன் (சீரியல் நடிகர்)
- பிரியங்கா தேஷ்பாண்டே (தொகுப்பாளினி)
- அபினய் வட்டி (நடிகர்)
- சின்னப்பொண்ணு (நாட்டுப்புற பாடகி)
- பவானி ரெட்டி (சீரியல் நடிகை)
- நதியா (மலேஷியாவை சேர்ந்த மாடல் அழகி)
- இமான் அண்ணாச்சி (நகைச்சுவை நடிகர்)
- வருண் (நடிகர்)
- ஐக்கி பெரி (ராப் பாடகி)
- அக்ஷரா ரெட்டி (மாடல் அழகி)
- நிரூப் நந்தகுமார் (நடிகர்)
- நமீதா மாரிமுத்து (மாடல் அழகி)
- சிபி சந்திரன் (மாஸ்டர் பட நடிகர்)
- ஸ்ருதி ஜெயதேவன் (மாடல் அழகி)
- தாமரைச் செல்வி (நாடக கலைஞர்)
இதுவரை நடந்து முடிந்த 4 சீசன்களிலும் ஆண் போட்டியாளர்களுக்கு இணையாக பெண் போட்டியாளர்கள் இடம்பெற்று இருந்தனர். ஆனால் இந்த சீசனில் 7 ஆண் போட்டியாளர்கள், 10 பெண் போட்டியாளர்கள், ஒரு திருநங்கை என மொத்தம் 18 போட்டியாளர்கள் பிக்பாஸ் வீட்டிற்குள் சென்றுள்ளனர்.- source: maalaimalar * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
