தமிழ், தெலுங்கு, மலையாளம் படங்களில் நடித்த பிரபல நடிகையின் மகள் ஒருவர், தற்போது கதாநாயகியாக நடிக்க இருக்கிறார்.
கமலின் கலைஞன், விஜயகாந்தின் ராஜதுரை, பிரபுவின் சின்ன மாப்ள உள்பட இருபதுக்கும் மேற்பட்ட படங்களில் நடித்தவர் சிவரஞ்சனி. இவர் மலையாளப் படங்களிலும் நடித்துள்ளார்.
1994-ல் ஆமி என்ற தெலுங்குப் படத்தில் முதல்முறையாக நடித்தார். தெலுங்குக்காக தனது பெயரை ஊஹா என்று மாற்றிக் கொண்டார். முதல் படமே சிறந்த நடிகைக்கான நந்தி விருதை அவருக்கு வாங்கித் தந்தது. தொடர்ந்து தெலுங்கில் நடித்தவர் தெலுங்கு நடிகர் ஸ்ரீகாந்தை 1997-ல் திருமணம் செய்து நடிப்புக்கு முழுக்கு போட்டார். அவருக்கு இரு மகன்களும் ஒரு மகளும் உள்ளனர்.
சிவரஞ்சனியின் மகள் ஏற்கனவே ருத்ரமாதேவி படத்தில் குழந்தை நட்சத்திரமாக நடித்திருந்திருந்தார். தற்போது இவர் கதாநாயகியாக களம் இறங்க இருக்கிறார். இதற்காக கதை, இயக்குனர், ஹீரோ ஆகியோரை சிவரஞ்சனி தேடி வருவதாகவும், விரைவில் இப்படத்தின் அறிவிப்பு வெளியாகும் என்றும் தகவல்கள் வெளியாகி உள்ளது.- source: maalaimalar * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
