முன்னணி நடிகராக இருக்கும் விஜய்யுடன், தற்போது ஜோடியாக நடித்து வரும் நடிகையின் செயலை பலரும் பாராட்டி வருகிறார்கள்.
தமிழில் முகமூடி படத்தில் அறிமுகமானவர் பூஜா ஹெக்டே. அதன் பின் தெலுங்கில் கவனம் செலுத்தி வந்த இவர் தற்போது விஜய்யுடன் பீஸ்ட் படத்தில் கதாநாயகியாக நடித்து வருகிறார். நெல்சன் இயக்கி வரும் இப்படத்தின் படப்பிடிப்பு விறுவிறுப்பாக நடைபெற்று வருகிறது.
பூஜா ஹெக்டே தனது நண்பர்களுடன் இணைந்து “All about Love“ எனும் அறக்கட்டளையை சமீபத்தில் துவங்கியிருக்கிறார். இதன் மூலம் நலிந்த குடும்பங்களுக்கு தேவையான உதவிகள் செய்ய திட்டமிட்டு இருக்கிறார். இது குறித்து பேசிய பூஜா ஹெக்டே, “மக்கள் எனக்கு கொடுக்கும் பணத்தை எதாவது ஒரு வழியில் திருப்பிக் கொடுக்க வேண்டும் என நினைத்தேன். எனவே கொரோனா பாதிப்பு ஏற்படுவதற்கு முன்பே அறக்கட்டளையை துவங்கி விட்டேன்.
தற்போது கொரோனா நேரத்தில் “All about Love“ அறக்கட்டளை மூலம் பல நலிந்த குடும்பங்களுக்கு பொருளாதார உதவியை செய்திருக்கிறோம். இதைத்தவிர மருத்துவசதி, ரேஷன் பொருட்களை கொடுத்து உதவி இருக்கிறோம். அதனால் இப்போது தெரியப்படுத்துகிறேன்” எனக் குறிப்பிட்டுள்ளார். பூஜா ஹெக்டேவின் இந்த செயலுக்கு ரசிகர்கள் பலரும் வாழ்த்துகளை தெரிவித்து வருகின்றனர்.- source: maalaimalar * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
