பிக்பாஸ் நிகழ்ச்சியில் கலந்துகொண்டு பிரபலமான நடிகை ஷெரின், ஸ்லிம்மான தோற்றத்தில் இருக்கும் புகைப்படத்தை வெளியிட்டுள்ளார்.
நடிகை ஷெரின் செல்வராகவன் இயக்கத்தில் 2002ம் ஆண்டு வெளியான துள்ளுவதோ இளமை படத்தின் மூலம் தமிழ் சினிமாவுக்கு அறிமுகமானார். தெலுங்கு, கன்னடம், மலையாளம் ஆகிய மொழி படங்களிலும் நடித்துள்ளார். கமல் தொகுத்து வழங்கிய பிக்பாஸ் நிகழ்ச்சியின் 3 சீசனில் கலந்துக் கொண்டு மிகவும் பிரபலமானார். பிக்பாஸ் நிகழ்ச்சியில் கலந்துகொண்ட போது குண்டாக இருந்த ஷெரின் தற்போது 10 கிலோ வரை உடல் எடையை குறைத்து ஸ்லிம்மாக மாறியுள்ளார்.
இதுகுறித்து அவர் கூறியதாவது: கடந்த ஒரு ஆண்டில் தான் 10 கிலோ எடை குறைந்து விட்டேன். இதனால் மிகவும் மகிழ்ச்சியாக இருக்கிறேன். இப்போது என்னை நானே கண்ணாடியில் பார்ப்பதற்கு பெருமையாக இருக்கிறது. உடல் எடையை குறைப்பதற்கு மிகவும் முக்கியம் மகிழ்ச்சியாக இருப்பதுதான். உடல் எடையை குறைப்பது மிகவும் எளிது. கோபமான மற்றும் கடினமான வார்த்தைகளைப் பேசாமல் எப்பொழுதும் நம் மனதை மகிழ்ச்சியாக வைத்துக்கொண்டால் போதும் உடல் எடை தானாக குறைந்து விடும் என்று ஷெரின் கூறியுள்ளார்.-Source: maalaimalar
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
