ஆண் குழந்தையைப் பெற்றுக்கொள்ள ஆசைப்படுகிறேன். மாத்திரைகளின் மூலமாகவோ அல்லது உறவுகொள்ளும் முறையில் ஏதாவது மாற்றங்கள் செய்தோ அதை சாத்தியமாக்க முடியுமா?
ஆண் பிள்ளை பிறக்க வேண்டுமானால் அந்த குழந்தையின் 46 குரோமோஸோம்களில் ஒன்று ஒய் ரகமாக இருந்தாக வேண்டும். ஒய் குரோமோஸோம்தான் ஆண்மைப்படுத்தும் “சக்தி“ பெற்ற ஒரே குரோமோஸோம்.
இந்த ஒய் குரோமோஸோம் ஆணின் உடலில் மட்டும்தான் உற்பத்தி ஆகிறது என்பதால் பிறக்கும் குழந்தை ஆணா, பெண்ணா என்று நிர்ணயிப்பது தந்தையின் விந்தணுக்கள்தானே தவிர தாயின் கருவணு அல்ல.
ஒய் குரோமோஸோம் கொண்ட விந்தணு போய் தாயின் கருமுட்டையோடு கலந்தால் ஆண் குழந்தை பிறந்துவிடும். ஆனால் ஆணின் உடலிலிருந்து வெளியேறும் விந்தணுக்களில் 50 சதவீதம் தான் ஒய் குரோமோஸோம் உள்ளவை. மிச்சமெல்லாம் எக்ஸ் குரோமோஸோம் உள்ளவை.
இந்த எக்ஸ், ஒய் ரக விந்து அணுக்களில் வெறும் ஒய் யை மட்டும் கருவோடு கலக்க வைத்தால் ஆண் பிள்ளைகள் பிறக்கலாம். ஆனால் இப்படி வெறும் ஒய் விந்தணுக்களைப் பிரித்தெடுத்து “ஆண்“ மட்டும் என்று பாராபட்சம் செய்ய முடியும் என்று பல போலி விளம்பரங்கள் இருந்தாலும் நடைமுறையில் இது சாத்தியமே இல்லை.-Source: tamil.eenaduindia
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
