விராட் கோலி மகளை டேட்டிங் அழைத்த சிறுவன்… பெற்றோரை விளாசிய நடிகை!

விராட் கோலியின் மகளை டேட்டிங் அழைத்த சிறுவனின் பெற்றோரை விளாசி இருக்கிறார் நடிகை கங்கனா ரனாவத்.

விராட் கோலியின் மகளை சிறுவன் ஒருவன் டேட்டிங் அழைத்தது குறித்து ரியாக்ட் செய்துள்ளார் பிரபல பாலிவுட் நடிகையான கங்கனா ரனாவத்.

பாலிவுட் சினிமாவில் பிரபல நடிகையாக இருப்பவர் கங்கனா ரனாவத். தமிழ் சினிமாவில் தாம் தூம் படத்தின் மூலம் அறிமுகமான கங்கனா ரனாவத், பின்னர் ஜெயலலிதாவின் வாழ்க்கை வரலாற்று படமான தலைவி படத்தில் நடித்தார். தற்போது ராகவா லாரன்ஸுடன் சந்திரமுகி 2 படத்தில் நடித்து உள்ளார். இந்த படம் விரைவில் ரிலீஸ் ஆகவுள்ளது.
​
விராட் கோலி மகள்

இதேபோல் இந்தியிலும் பல படங்களில் நடித்து வருகிறார் கங்கனா ரனாவத். அரசியலில் தீவிரமாக உள்ள கங்கனா ரனாவத், சமூக வலைதளங்களிலும் ஆக்டிவாக உள்ளார். இந்நிலையில் கிரிக்கெட் வீரர் விராட் கோலியின் மகளை சிறுவன் டேட்டிங் அழைத்தது குறித்து கடுமையாக ரியாக்ட் செய்துள்ளார் நடிகை கங்கனா ரனாவத்.
​
வாமிகாவுடன் டேட்டிங்?

அதாவது ராயல் சேலஞ்சர்ஸ் பெங்களூரு மற்றும் சென்னை சூப்பர் கிங்ஸ் அணிகளுக்கு இடையிலான 24 ஆவது போட்டி பெங்களூருவில் உள்ள சின்னச்சாமி மைதானத்தில் நடைபெற்றது. இந்தப் போட்டியின் போது, ஒரு சிறுவன், ஹாய், விராட் மாமா, நான் வாமிகாவை டேட்டிங்கிற்கு அழைத்துச் செல்லலாமா? என்று எழுதிய சாட்டை கையில் பிடித்தப்படி போஸ் கொடுத்தார்.

விமர்சனம்

சிறுவனின் இந்த சாட் போஸ் பெரும் வைரலானது. இதனை சோஷியல் மீடியாவில் பகிர்ந்த ரசிகர்கள் தங்களின் கருத்துக்களை பகிர்ந்து வந்தனர். இந்த வயதிலேயே இது தேவையா என கேட்டு நெட்டிசன்கள் விளாசி வந்தனர். மேலும் விளம்பதிற்காக இதுபோன்ற மலிவான வேலைகளில் இறங்கி விட்டார்கள் என்றும் சாடி வந்தனர்.

கங்கனா கண்டனம்

இந்நிலையில் இந்த சம்பவம் குறித்து நடிகை கங்கனா ரனாவத்தும் தனது கண்டனத்தை பதிவு செய்துள்ளார். அந்த சிறுவனின் புகைப்படத்தை தனது டிவிட்டர் பக்கத்தில் ஷேர் செய்துள்ள நடிகை கங்கனா ரனாவத், அவரது பெற்றோரை விளாசியுள்ளார்.

இதுகுறித்து அவர் பதிவிட்டுள்ள டிவிட்டில் அப்பாவி குழந்தைகளுக்கு இந்த முட்டாள்தனத்தை கற்பிக்காதீர்கள், இது உங்களை அநாகரீகமாகவும் முட்டாள்தனமாகவும் காட்டுகிறது.

இது மாடர்னாகவும் நல்லதாகவும் இல்லை என குறிப்பிட்டுள்ளார். கங்கனா ரனாவத்தின் இந்த பதிவுக்கு பலரும் வரவேற்பு தெரிவித்துள்ளனர்.-News & image Credit: samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!