பிக் பாஸ் சீசன் 6 நிகழ்ச்சி கடந்த அக்டோபர் மாதம் துவங்கியது. கிட்டத்தட்ட ஐம்பது நாட்களை நெருங்கிய இந்த சீசன் விறுவிறுப்பாக செல்கின்றது. சீசன் துவங்கிய முதல் வாரத்திலேயே சண்டைகள், சர்ச்சைகள் என சூடுபிடிக்க துவங்கியது. மேலும் எந்த சீசனிலும் இல்லாத வகையில் இந்த சீசனில் மொத்தம் 21 போட்டியாளர்கள் சென்றனர்.
இதில் ஜி.பி. முத்து, அசல் கோலார், ஷிவின் கணேசன், அஸீம், ராபர்ட் மாஸ்டர், ஆயிஷா, ஷெரினா, மணிகண்டன், ராஜேஷ், ரச்சிதா மகாலெட்சுமி, ராம் ராமசாமி, ஏடிகே, ஜனனி, சாந்தி, விக்ரமன், அமுதவாணன், மகேஷ்வரி சாணக்யன், விஜே கதிரவன், குயின்சி, நிவாஷினி, மைனா நந்தினி மற்றும் தனலெட்சுமி ஆகிய போட்டியாளர்கள் கலந்து கொண்டனர்.
இந்நிலையில் ரசிகர்களின் பேராதரவை பெற்ற போட்டியாளர் என்றால் அவர் ஜி.பி.முத்து தான். ஆனால் குடும்பத்தை பிரிந்து இருக்க முடியாது என்ற காரணத்தினால் தானாக வீட்டை விட்டு வெளியேறினார் ஜி.பி.முத்து.
இதையடுத்து ஷாந்தி, அசல், ஷெரினா, மஹேஸ்வரி ஆகியோர் குறைவான வாக்குகளை பெற்று வெளியேறியுள்ளனர் கடைசியாக நிவாஷினி கடந்த வாரம் வெளியேறினார். இந்நிலையில் இந்த வாரமும் பிக் பாஸ் நிகழ்ச்சி சண்டைகள் சர்ச்சைகள் என செல்கின்றது.
மேலும் இந்த வாரம் அசீம், ராபர்ட், தனலட்சுமி, மணிகண்டன், கதிரவன் ஆகியோர் நாமினேட் செய்யப்பட்டனர். இதில் அநேகமாக ராபர்ட் தான் இந்த வாரம் வெளியேறுவார் என ரசிகர்களால் பேசப்பட்டு வந்தது. அவர் ரச்சிதாவை காதல் என்ற பேரில் டார்ச்சர் செய்வதாக ரசிகர்கள் தங்கள் வெறுப்பை கூறி வந்தனர்.
எனவே அவர் தான் வெளியேறுவார் என அனைவரும் எதிர்பார்த்து இருந்தனர். ஆனால் தற்போது வந்த தகவலின் படி மணிகண்டன் தான் குறைவான வாக்குகளை பெற்றதாகவும் அவர் தான் இந்த வாரம் வெளியேறுவார் என்றும் கூறப்படுகின்றது. இந்நிலையில் இம்முறை தான் மணிகண்டன் முதல் முறையாக நாமினேட் செய்யப்பட்டார் என்பது குறிப்பிடத்தக்கது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
