பொன்னியின் செல்வன் ட்ரெய்லர் வெளியீட்டு விழாவில் சூப்பர் ஸ்டார் ரஜினிகாந்தை பார்த்ததும் அவரின் காலை தொட்டு கும்பிட்டுள்ளார் ஐஸ்வர்யா ராய் பச்சன்.
மணிரத்னம் இயக்கத்தில் கார்த்தி, த்ரிஷா, விக்ரம், ஐஸ்வர்யா ராய், பிரபு, ஜெயம் ரவி, ஜெயராம் உள்ளிட்டோர் நடித்திருக்கும் பொன்னியின் செல்வன் படம் செப்டம்பர் மாதம் 30ம் தேதி ரிலீஸாகவிருக்கிறது.
இந்நிலையில் பொன்னியின் செல்வன் ட்ரெய்லர் வெளியீட்டு விழா சென்னையில் பிரமாண்டமாக நடந்தது. அந்த விழாவில் சூப்பர் ஸ்டார் ரஜினிகாந்தும், உலக நாயகன் கமல் ஹாசனும் கலந்து கொண்டு பேசினார்கள்.
ரஜினியும், கமலும் மேடையில் அருகருகே நின்று பேசியதை பார்த்த ரசிகர்கள் மகிழ்ச்சி அடைந்தனர். மணிரத்னம் இயக்கத்தில் தளபதி படத்தில் நடித்தது சாதாரண விஷயம் அல்ல, ரொம்ப கஷ்டம் என்று கூறினார் ரஜினி.
பொன்னியின் செல்வன் படத்தில் நந்தினியாக நடித்திருக்கும் பாலிவுட் நடிகை ஐஸ்வர்யா ராய் பச்சனும் ட்ரெய்லர் வெளியீட்டு விழாவுக்கு வந்திருந்தார். கருப்பு நிற சுடிதாரில் அழகாக இருந்தார் ஐஸ்வர்யா ராய்.
ரஜினிகாந்தை பார்த்ததும் அவர் காலை தொட்டு கும்பிட்டார். ரஜினி அவரை ஆசிர்வதித்தார். அப்பொழுது எடுக்கப்பட்ட வீடியோவை வெளியிட்டு ஐஸ்வர்யா ராயை பாராட்டுகிறார்கள் ரஜினி ரசிகர்கள்.
மேலும் ஐஸ்வர்யா ராய் ரஜினியின் காலை தொட்டு கும்பிட்டது இது முதல் முறை அல்ல. அந்த வீடியோவும் தற்போது வெளியாகியுள்ளது. ரஜினி மீது ஐஸ்வர்யா ராய் வைத்திருக்கும் மரியாதை தான் ரசிகர்களை கவர்ந்துவிட்டது.
இதற்கிடையே ஐஸ்வர்யா ராய் கர்ப்பமாக இருக்கிறாரோ என்று பேச்சு கிளம்பியிருக்கிறது. கர்ப்பமாக இருப்பதால் தான் ஐஸ்வர்யா கொஞ்சம் வெயிட் போட்டிருக்கிறார். சுடிதார் அணிந்து துப்பட்டாவை வைத்து வயிறை மறைத்திருக்கிறார் என்றெல்லாம் பேசுகிறார்கள்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
