சீரியல் நடிகை ஸ்ரீநிதி விக்கி – நயன் தம்பதி குறித்து பேட்டி ஒன்றில் தெரிவித்துள்ள கருத்து இணையத்தில் வைரலாகி வருகிறது.
தென்னிந்திய திரையுலகின் முன்னணி நடிகையான நயன்தாரா இயக்குநர் விக்னேஷ் சிவன் இருவரும் கடந்த 6 ஆண்டுகளாக காதலித்து வந்த நிலையில், கடந்த ஜூன் 9-ம் தேதி இருவரும் திருமணம் செய்துகொண்டனர். இவர்களது திருமணம் சென்னை மகாபலிபுரம் பகுதியில் உள்ள நட்சத்திர ஹேட்டலில் நடைபெற்றது.
கோலிவுட் வட்டாரத்தில் நட்சத்திர காதல் ஜோடிகளாக நயன் – விக்கி இருவரும் வலம் வந்தனர். ரசிகர்கள் மட்டுமல்லாமல் கோடம்பாக்கத்தினரும் நயன்தாரா, விக்னேஷ் சிவன் இருவரின் திருமணத்தையும் எதிர்பார்த்து காத்து கொண்டிருந்தனர். இந்நிலையில் விக்னேஷ் சிவன் மற்றும் நயன்தாரா திருமணம் கடந்த ஜுன் மாதம் பிரம்மாண்டமாக நடைபெற்றது.
நயன் – விக்கி திருமணம் முதலில் திருப்பதியில் நடத்த முடிவு செய்யப்பட்டது. ஆனால் அங்கு ஏகப்பட்ட கட்டுப்பாடுகள் இருந்ததால், மகாபலிபுரத்தில் உள்ள 5 நட்சத்திர ஹோட்டலான ஷெரட்டன் பார்க்கில் கடும் கட்டுப்பாடுகளுடன் நடைபெற்றது. திரையுலக பிரபலங்கள் பலரும் இந்த திருமண நிகழ்வில் கலந்து கொண்டு நயன் – விக்கி தம்பதியினருக்கு வாழ்த்து தெரிவித்தனர்.
இந்நிலையில் ‘வலிமை’ படம் குறித்து பேசி சர்ச்சையை கிளப்பிய, சிம்புவை காதலிப்பதாக கூறி அவர் வீட்டின் முன் தர்ணாவில் ஈடுபட்டு பரபரப்பை கிளப்பிய சீரியல் நடிகை ஸ்ரீநிதி, விக்கி – நயன் திருமணம் குறித்து அளித்துள்ள பேட்டி இணையத்தில் வைரலாகி வருகிறது. இவர் சமீபத்தில் அளித்த பேட்டியில், நயன்தாரா அக்காவை எனக்கு ரொம்ப பிடிக்கும்.
உண்மையை சொல்ல வேண்டும் என்றால் விக்னேஷ் சிவன் லக்கி கிடையாது. தமிழ் பையன் நயனுக்கு கிடைத்திருக்கிறார். நல்லா பார்த்துப்பார். அதனால் நயன்தாரா தான் லக்கி என்று கூறியுள்ளார். ஸ்ரீநிதியின் இந்த பேட்டி தற்போது இணையத்தில் வைரலாக பரவி வருகிறது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
