ஷங்கர் மகளுக்காக சூப்பர் சிங்கர் ராஜலட்சுமியை நிராகரித்த யுவன்!

விருமன் படத்தில் வரும் மதுரவீரன் பாடலை ராஜலட்சுமி பாடிய நிலையில் அதிதியை பாட வைத்து வெளியிட்டுள்ளனர்.

விருமன் படத்தில் ராஜலட்சுமிக்கு பதில் அதிதி ஷங்கரை மதுரவீரன் பாடலை பாட வைத்தது அநியாயம் என்கிறார்கள் ரசிகர்கள்.

முத்தையா இயக்கத்தில் கார்த்தி நடித்திருக்கும் விருமன் படம் ஆகஸ்ட் 12ம் தேதி ரிலீஸாகவிருக்கிறது. சூர்யா தயாரித்திருக்கும் அந்த படம் மூலம் பிரமாண்ட இயக்குநரான ஷங்கரின் இளைய மகள் அதிதி ஹீரோயினாகியிருக்கிறார். விருமன் பட விளம்பர நிகழ்ச்சிகளில் கலந்து கொண்டு அசத்தி வருகிறார் அதிதி.

அதிதி

விருமன் படத்தில் வரும் மதுரவீரன் பாடலை யுவன் ஷங்கர் ராஜாவுடன் சேர்ந்து பாடியுள்ளார் அதிதி. இதன் மூலம் பாடகி அவதாரமும் எடுத்துள்ளார். அதிதியின் குரல் அருமை. ஒரு நடிகையாக மட்டும் அல்ல பாடகியாகவும் அதிதிக்கு நல்ல எதிர்காலம் இருக்கிறது என்கிறார்கள் ரசிகர்கள். இந்நிலையில் தான் மதுரவீரன் குறித்து ஒரு தகவல் வெளியாகியுள்ளது.

ராஜலட்சுமி

சூப்பர் சிங்கர் நிகழ்ச்சி புகழ் ராஜலட்சுமியை வைத்து தான் மதுரவீரன் பாடலை முதலில் பதிவு செய்திருக்கிறார் யுவன். அதன் பிறகு அவருக்கு பதில் அதிதியை பாட வைத்து, அவர் குரலில் பாடலை வெளியிட்டுள்ளனர். ஷங்கரின் மகள் என்பதால் இப்படி ஒரு பாரபட்சமா என ரசிகர்கள் கேள்வி எழுப்பியுள்ளனர்.

பிரபலம்

ராஜலட்சுமி பிரபலமாக இருந்துமே அவருக்கு இப்படி நடந்திருக்கிறது. நடிக்க வந்த முதல் படத்திலேயே அதிதிக்கு இந்த அளவுக்கு முன்னுரிமையா?. வாரிசு என்பதால் எது வேண்டுமானாலும் செய்யலாமா என ரசிகர்கள் கேள்வி எழுப்பியுள்ளனர். அதிதியின் குரலை குறை சொல்லவில்லை. ஆனால் ராஜலட்சுமியை பாட வைத்து ஏமாற்றியது தான் தவறு என்கிறார்கள் ரசிகர்கள்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!