ஆக்ராவில் தெருவோர கடையில் சாட் உணவகம் ஒன்று ஒரே வாயில் சாட் உணவை சாப்பிட்டால் ரூ500 வழங்கப்படும் என அறிவித்துள்ளது.
ஆன்லைனில் ஏகப்பட்ட உணவு குறித்த வீடியோக்கள் வைரலாக பரவி வரும். இந்த வீடியோவில் மக்கள் வித்தியாச வித்தியாசமான உணவுகள் குறித்து தெரிந்து கொள்கிறார்கள். வீடியோவை பார்க்கும் போதே அப்படியான உணவுகளை சுவைக்க வேண்டும் என்ற எண்ணம் மக்களுக்கு வந்துவிடுகிறது.
இப்படியாக சமீபத்தில் வெளியான ஒரு உணவு வீடியோ டிரெண்டாகி வருகிறது. அந்த உணவு வீடியோ மற்ற உணவுவீடியோக்களை விட சற்று வித்தியாசமானது. இந்த வீடியோ உங்களுக்கு உணவு சாப்பிடும் உணர்வை மட்டும் தூண்டுவதில்லை. உங்களை சம்பாதிக்கவும் தூண்டுகிறது.
டில்லியை அடுத்த ஆக்ராவில் உள்ள ஒரு உணவகத்தில் தயாரிக்கப்படும் சாட் குறித்த வீடியோ தான் அது. அந்த வீடியோவில் பல விதமான பொருட்கள் போட்டு சாட் உணவு தயாரிக்கப்படுகிறது. மிகவும் சுவையான இந்த சாட் உணவை வழங்கும் அந்நிறுவனம். அந்த உணவை சாப்பிடுபவர்களுக்கு ஒரு பந்தயம் ஒன்றையும் அறிவித்துள்ளது. அதன்படி அந்த சாட் ஒருவை ஒரே வாயில் சாப்பிடுபவர்களுக்கு ரூ500 பரிசளிக்கப்படும் என அறிவித்துள்ளது. அதாவது. அந்த உணவு அதிக அளவில் இருக்கும் என்பதை வித்தியாசமாக விளம்பரப்படுத்த இப்படியான ஒரு வித்தியாசமான போட்டியை அறிவித்துள்ளது.
ஆனால் இந்த சாட்டை ஒரே வாயில் யாராலும் சாப்பிட முடியாது. இந்த வீடியோவில் இந்த போட்டி குறித்து குறிப்பிட்டுள்ளதால் இந்த வீடியோ மற்ற உணவு வீடியோக்களை விட வைரலாக பரவி வருகிறது.- source: samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
