நடிகர் தனுஷ்- ஐஸ்வர்யா விவாகரத்து குறித்து பிரபல நடிகை உருக்கமாக கருத்து தெரிவித்துள்ளார்.
குழந்தைகளுக்காக ஒன்றாக வாழ வேண்டும் என நடிகர் தனுஷ்- ஐஸ்வர்யா விவாகரத்து குறித்து பிரபல நடிகை உருக்கமாக கருத்து தெரிவித்துள்ளார்.
கோவிலுக்கு சென்று
நடிகர் தனுஷும் ஐஸ்வர்யாவும் கடந்த 2004ஆம் ஆண்டு இருவீட்டார் சம்மதத்துடன் காதல் திருமணம் செய்து கொண்டனர். அவர்களுக்கு யாத்ரா லிங்கா என இரண்டு மகன்கள் உள்ளனர். இந்நிலையில் இருவரும் விவாகரத்து செய்வதாக அறிவித்தனர். இருவரும் கடந்த சில மாதங்களுக்கு முன்பு ஒன்றான கோவிலுக்கு சென்றுவந்தனர். தனுஷ் மற்றும் ரஜினிகாந்த் தேசிய விருது விழாவில் விருது பெற்றபோது கூட பெருமையாக டிவிட்டினார் ஐஸ்வர்யா. இந்நிலையில் அவர்களின் பிரிவு அதிர்ச்சியை ஏற்படுத்தியுள்ளது.
விவாகரத்து அறிக்கை
இதுதொடர்பாக அவர்கள் இருவரும் ஒரே மாதிரியான அறிவிப்பை தங்களின் சமூக வலைதள பக்கத்தில் பதிவிட்டனர். அதில், 18 ஆண்டு காலமாக நல்ல நண்பர்களாக , கணவன் மனைவியாக, பெற்றோராக ஒன்றாக பயணித்து வந்துள்ளோம். இந்த பயணம் முழுவதிலும், வளர்ச்சி, புரிதல், ஒருவருக்கு ஒருவர் ஆதரவாக இருந்திருக்கிறோம். ஆனால் இன்று இருவரும் பிரிய வேண்டிய சூழல் ஏற்பட்டுள்ளது.
பிரிய முடிவு செய்துள்ளோம்
இருவரும் பிரிந்து செல்ல முடிவு செய்துள்ளோம். எங்கள் இருவரையும் புரிந்துகொண்டு இதில் இருந்து இருவரும் மீண்டு வருவதற்கான கால அவகாசத்தை அனைவரும் தருமாறு கேட்டுக்கொள்கிறோம். எங்களுடைய முடிவை ஏற்று எங்களுடைய தனிமையை ஏற்றுக்கொள்ளுமாறு கேட்டுக்கொள்கிறோம் என தெரிவிக்கப்பட்டிருந்தது.
வீணாகக் கூடாது
இந்நிலையில் அவர்களின் விவகாரத்து முடிவு குறித்து பிரபல நகைச்சுவை நடிகையான ஆர்த்தி கணேஷ் தனது டிவிட்டர் பக்கத்தில் உருக்கமாக பதிவிட்டுள்ளார். அதில், 18 வருட அன்பான வாழ்க்கை வீணாக கூடாது. எல்லா கருத்து வேறுபாடுகளும் விவாகரத்தில் தான் முடியும் என்பது உண்மை அல்ல. இந்த சின்ன பிரிவும் உங்களை நீங்கள் ஆராய்ந்து, விட்டு கொடுத்து, உங்கள் குழந்தைகளுக்காக இருவரது பாதையும் வெவ்வேறாக ஆகாமல் ஒன்றாகும் என்று நம்புகிறேன். இறைவனை வேண்டுகிறேன்.. என தெரிவித்துள்ளார்.
தனுஷின் தோழி
நடிகை ஆர்த்தி கணேஷ் சின்னத்திரை மற்றும் வெள்ளித்திரையில் பிரபலமானவர். பல படங்களில் நடித்துள்ள ஆர்த்தி, தனுஷுடன் குட்டி, உத்தமபுத்திரன் ஆகிய படங்களில் அவருக்கு தோழியாக நடித்துள்ளார். இருவரின் பிரிவையும் ஏற்றுக்கொள்ள முடியாமல் சேர்ந்து வாழ வேண்டும் என வலியுறுத்தியுள்ளார் ஆர்த்தி.- source: samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
